ကျောင်းကုန်းမြို့နယ် ကညင်ကုန်းရွာ ပရဟိတအလှူ မှတ်တမ်းတင်ဓာတ်ပုံများ

Sunday, January 13, 2013

"နည်းမှန် စနစ်မှန် မြတ်စွာဘုရားရှင်ကိုယ်ပွား ရုပ်ပွားဆင်းတု ပူဇော်ပုံ ပူဇော်နည်း”

သင်တန်းလေးမှာ သရဏဂုံခံယူနည်းအပြင် သရဏဂုံပျက်ပုံပျက်နည်းကိုလည်းတင်ပြပေးခဲ့ပါတယ်။ စာမေးပွဲရှိနေသောကြောင့် စာရေးသားခြင်းကို ရပ်နားခဲ့ပြီး ယခုစာမေးပွဲပြီးဆုံးတဲ့အတွက် ဆက်လက်ပြီး ရေးသားတင်ပေးသွားပါမည်။ ယခုသင်ပေးမည့် အကြောင်းအရာက ဗုဒ္ဓဘာသာအိမ်တိုင်းမှာ မြတ်စွာဘုရား၏ ရုပ်ပွားဆင်းတုတော်ကို သက်ရှိထင်ရှားမြတ်စွာဘုရားရှင် မိမိတို့အိမ်တိုက်ခန်းမှာ စံပ္ပာယ်တော်မူသကဲ့သို့ အာရုံထားပြီး တည်ထားကိုးကွယ်ကြပါတယ်။ ထိုကဲ့သို့ တည်ထားကိုးကွယ်သည့်နေရာမှာလည်း ကိုးကွယ်တတ်ဖို့ အရေးကြီးပြန်ပါတယ်။ ပုံတော်မှာ ဂုဏ်တော်တင်ပြီး ပူဇော်ရှိခိုးရမည်ဖြစ်၏။ မြတ်စွာဘုရားရှင် သည် ငါတို့၏ ကိုးကွယ်ရာအစစ်ပဲ။ မြတ်စွာဘုရားပွင့်တော်မူလာလို့ ဒါက ကုသိုလ် ဒါက အကုသိုလ်ဆိုတာကို ငါတို့ခွဲခြားသိရတယ် စတဲ့အချက်တွေကြောင့် မြတ်စွာဘုရားရှင်ဟာ ငါတို့ဗုဒ္ဓဘာသာဝင်များအတွက် ကိုးကွယ်ရာအစစ်ဖြစ်တယ်။ ထိုမြတ်စွာဘုရားရှင်သည် အရဟံစတဲ့ဂုဏ်တော်ကိုးပါးနဲ့ပြည့်စုံတော်မူတဲ့ ဘုရားရှင်ပဲရယ်လို့ စိတ်ဝယ်အောက်မေ့ပြီး ရှိခိုးပူဇော်ရမှာဖြစ်ပါတယ်။ ပုံတော်ကိုပဲ ရှိခိုးမနေဘဲ ထိုပုံတော်မှာ ဂုဏ်တော် ကျေးဇူးတော်များခြုံပြီး ကျေးဇူးရှင်အစစ် ကိုးကွယ်ရာအစစ်ဖြင့် ရှိခိုးပူဇော်ရမှာဖြစ်ပါတယ်။
 
ထိုသို့ရှိခိုးပူဇော်သည့်နေရာမှာလည်း မြတ်စွာဘုရားစင်ကို အိမ်ဦးခန်းမှာသာ အမြင့်အမြတ်ထားရပါတယ်။ လှေကားအောက်စသည်မှာ မထားရပါ။ အနိမ့်မှာ မထားရ။ မြေညီမှာမထားရ။ အမြင့်အမြတ် နေရာမပေးနိုင် လျှင် မထားသည်က ကောင်းပါတယ်။ ယုတ်နိမ့်သော နေရာမှာ မြတ်စွာဘုရားရှင်ကို ထားလျှင် နေ့စဉ် ငရဲကြီး မည်ဖြစ်၏။ ဘေးဥပါဒ်ကျရောက်ပါလိမ့်မည်။ မြတ်ဗုဒ္ဓ၏ရုပ်ပွား ဆင်းတုများကို ထားရှိပြီး ပူဇော်နည်း ရှိခိုးနည်းများ စနစ်ကျရှိရန်လို၏။

အိမ်တစ်အိမ်တွင် မြတ်ဗုဒ္ဓ၏ ရုပ်တုကို ပင့်ယူပူဇော်ပြီဆိုသည်နှင့် တပြိုင်နက် ရှေးဦးစွာ ရုပ်ထုတော်ကို အနေကဇာတင်ရမည်ဖြစ်၏။ အနေကဇာမတင်လျှင်လည်း ရှိခိုးကောင်းသည်ဟု မှတ်ယူရမည်။ အနေကဇာတင်မှ ဘုရားအရာမြောက်သည်မဟုတ်၊ ရှိခိုးကောင်းသည်မဟုတ်ဘဲ အနေကဇာမတင်သော်လည်း မြတ်စွာဘုရားအရာမြောက်ပြီး ရှိခိုးကောင်းသည်ဟု မှတ်ယူရမည်။ လိုအပ်မည် သိသင့်သည်ထင်၍ ထည့်ရေးခြင်းမျှသာဖြစ်၏။ အနေကဇာတင်သည်ဆိုသည်မှာ မြတ်စွာဘုရား ဘုရားဖြစ်ဖြစ်ချင်း ကျူးရင့်တော်မူသည့် ဥဒါန်းစကားတော်ကို ပြန်ပြီး ရွတ်ဖတ်ခြင်းပင်ဖြစ်၏။

အနေကဇာတင်သည်ဖြစ်စေ ၊ မတင်သည်ဖြစ်စေ မြတ်ဗုဒ္ဓ၏ ရုပ်ထုကို ပူဇော်ကိုးကွယ်လျှင် ဂုဏ်တော် ကိုးပါးကို လေးစားသည့်စိတ်နှင့် ဆွမ်းတော်ပွဲကို စနစ်တကျ ကပ်လှူပူဇော်ရမည်ဖြစ်၏။ ထို့အတူ ပန်း၊ ရေချမ်း၊ ဆီမီးကိုလည်း ဤကဲ့သို့ပင် ကပ်လှူပူဇော်ရမည်ဖြစ်၏။ ထိုသို့ ကပ်လှူပူဇော်ရာတွင် မြတ်စွာဘုရားအား မိမိတို့ စားဦးစားဖျားများ ကပ်လှူပူဇော်ခြင်းကို သက်ရှိထင်ရှား မြတ်စွာဘုရားထံ စိတ်ရောက်ပြီး လှူဒါန်းနေခြင်းဟု မှတ်ယူထားရမည်ဖြစ်၏။ မြတ်စွာဘုရားရှင်အား ဆွမ်းတော်ကပ်ပြီး၍ ပြန်စွန့်လာသည့်အခါ စေတနာ ပြတ်သားစွာဖြင့် သတ်သတ်မှတ်မှတ် လှူဒါန်းထားခြင်း ဖြစ်သောကြောင့် လူများပြန်လည် စားရန် မသင့်ဟု မှတ်ယူရမည်ဖြစ်၏။ 

မြတ်စွာဘုရားရှင်၏ ရုပ်ပွားဆင်းတုတော် ပူဇော်ရကျိုးကို ဆက်လက်ရေးသားဖော်ပြပေးသွားပါမည်။
စာဖတ်သူအားလုံးသက်ရှည်ကျန်းမာစိတ်ချမ်းသာပြီး လိုရာဆန္ဒများတစ်လုံးတစ်ဝတည်းပြည့်ဝကြပါစေ။
အရှင်ဝိမလဝံသ(နာလန္ဒာတက္ကသိုလ် အိန္ဒိယနိုင်ငံ)

No comments:

Post a Comment

Popular Posts

အကြံပြုစာ ရေးရန်